Easy and secret recipe to make Tapri Wali Kadak Chai at home during rainy season.
Hello dosto swagat hai aapke hamare blog me har roj ki tarah aaj bhi ham aapke liye bahut hi special recipe lekar aaye hai. aaj ki recipe bahut hi khas hai to aap is recipe ko bilkul bhi skip mat kijiye. to aaj ham tapri wali kadak chai ki recipe banane wale hai. bahut hi masaledar chai bilkul tapri wali hi chai banne wali hai. to aaj ki ye recipe bahut hi asan si hai. to aaj ki ye tapri wali chai aapko pasand aaye to hame harur comment me bataye aur aisi hi masale da aur delicious recipes ke liye hamareblog me visit kare. to aaj ki ye recipe bahut hi special hai sath hi comment me aap apni favorite recipe ka nam bhi bataye taki agli bar ham apake liye aapki pasand ki recipe lekar aaye. to chaliye sharu karte hai aaj ki ye recipe.
Waise to har subah sab ke ghar me chai banti hi hogi lekin uska taste sabhi ke gharo me achcha nahi bhi aata hoga. aur subah ki sharuaat to kadak chai se hi honi chahiye taki ham dinbhar fresh reh sake warna hamara din achcha nahi jata hai. aur kai log to subeh bahar bhi chai pine jate hai to ab se aapko kahi bhi jane ki jarurat nahi hai aap apne ghar me hi bahut hi badhiya chai bana sakte hai aur wo bhi bahuthi asan se tarike se. aap is recipese ekbar chai banayenge to har bar aap yahi recipe try karenge. to chaliye sharu karte hai aaj kiye hamari special tapri wali chai banana.
Barish ke mausam me banne wali kadak tapri wali chai.
To tapri wali hi kadak chai banane ke liye ham ek patili me 3 cup pani dal denge. use gas par rakh denge. to ham yaha par aaj 4 se 5 midium size ke cup chai bana rahe hai. gas ka flam ham on kar denge. aur iske bad yaha par aata hai hamara pehla point. to ham pani me bahut hi achche se ubal aane denge aur isi ke bad ham isme baki ki chije dalenge. to jab tak hamara pani boil ho raha hai tab tak ham bak ki taiyari ka lete hai. to ham thode se adarak ke tukde ko kut lenge. adarak ko kutne se adarak ka jo ras hai wo bahar aayega uar chaime bhi iska taste achcha aayega. kyuki adarak ke bina chai ka taste bahut hi adhura sa lagta hai. khas karke ise barish ke mausam me. to hamara adarak achche se kut jaye to iske bad ham baki ki chije add kar denge.
To ham isme 2 choti hari ilaichi dal denge. aur iske badham 2 se 3 long bhi dal denge. aur in dono ko bhi ham achche se adarak ke sath kut lenge. aap long ke sath aap kali mirch ke dane bhi dal sakte hai agar aapko pasand hai to aap dal sakte hai. agar aapko shardi, jukham, khasi ke sath sath aapka gala kharab ho to aap kali mirch dal sakte hai. to ab hamare pani me bhi achche se ubal aa gaya hai to ab ham isi stage par isme hamara ye sara masala dal denge. aur ab ham is masale ko bhi pani me achche se 1 se 2 minutes ke liye ubalne denge. gas ki flam hame medium hi rakhni hai. to ham chahe to adarak ko grade karke bhi dal sakte hai lekin isse chai ka flavour kadva ho jata hai isi liye hamne isko kut kar dala hai. to pani me ye sare masale ubalne se iska achcha sa taste chai me aa jata hai. to ise ubalne dena hai.
To ab ham aapko ek secret batane wale hai jo tapri wale karte hai aur isse hi unki chai ka taste bahuthi achcha aata hai. to ab ham isme isi stage par 2 cup dudh add kar denge. to sare tea stall me yahi kiya jata hai. isse hi iska badhiya taste aata hai. to aap pani me chai patti dalkar bhi chai bana sakte hai. lekin ye wali chai bahut hi tasty banti hai. to ab ham dudh ko bhi mix karke kariban 2 minute tak ubal lenge. to yaha par hame bahut jyada thanda dudh nahi use karna hai.
To ab ham isi stage par shakkar add kar denge to ham yaha par 2 se 3 chammach chini dal rahe hai aap apne hisab se chini dal sakte hai. to chini ko thodi der ke liye mix karni hai taki wo ghul jaye iske bad ham isme 2 chammach chai patti dal denge aap koi bhi chai patti le sakte hai. to ab ham isme bhi boil aane denge. to sabse pehle ham isme 1 ubal aanedenge iske bad ham isko law - medium flam par paka lenge kariban ham ise 2 minutes ke liye paka lenge. taki iska taste aur colour dudh me achche se aa jaye. to hamari chai ka colour bahut hi achcha sa aa gaya hai.
To hamari chai me bahut hi achcha sa ubal aa gaya hai iske bad ham chai ko upar se niche kar lenge taki isme achchi si jaak aa jaye waise hi jaise tea stall wale karte hai. to chai me jaak aa gayi hai to ab ham gas ka flam off kar denge. to ab ham chai ko chan lenge to iske liye hamne yaha par ek ketli li hai. usme chai ko ham chan lenge. aur iske bad ham to ham serve karne ke liye cutting glasse ka use karenge. aur sabhi me ham chai ko dal denge. to aaj ki hamari chai me bahut hi creamy ness aaya hai colour bhi bahut hi badhiya aa gaya hai. to aaj ki ye recipe hamne bahut hi asani se banayi hai.
To aapko is barisho ke mausam me ye chai ki recipe jarur try karni chahiye. aaj ki hamari ye tapri wali kadak chai aapko pasand aayi ho to hame jarur comment me bataye aur aisi hi recipes ke liye hamare blog me visit kare. aap is chai ko apne ghar par jarur try kare pehli bar me hi bahuthi badhiya ban jayegi.
Tags:
Recipe