Spicy Spicy Okra Vegetables made in a completely different and new way.
Hello dosto aapka swagat hai hamare blog me. hamne aapko abhi tak kai sari recipes ke bare me bataya hai. jo kafi easy aur tasty bhi thi. aaj bhi ham aapke liye kuch aisi hi recipe lekar aaye hai, jo aapko pasand aayegi. aap apne ghar pe ye recipe try kar sakte hai. to dosto aaj tak ki recipes aapko pasand aayi ho to aap hamare blog par jarur visit kijiye. aur aisi hi recipes ke liye comment kare. aapko kis tareh ki recipes pasand aati hai ye bhi hame comment me batayiye. taki ham agli baar aapke liye waisi recipes try kare.
To aaj ham aapke sath bhindi ki masaledar sabji ki recipe share karne wale hai. jise aap apne ghar par kabhi bhi try kar sakte hai. bhindi ki sabji banana hai bahut hi asani se bhindi ki sabji bana sakte hai. aapne bhindi ki sabji kai tariko se banayi hogi, par aaj ka tarika kuch naya hai. aur asan bhi is recipe ko dekhne ke baad aap hamesha bhindi isi tarike se banayenge. aap is tarike ki bhindi ki sabji banaye. kyuki ye bahot hi asan sa tarika hai. aap bahot hi easily bina kisi ke madad se apne ghar par bhindi bahot hi asani se bana sakte hai. to chaliye ham apni aaj ki masale dar bhindi ki recipe sharu karte hai. jo bahot hi jyada chatpati bhi banne wali hai.
Masaledar chatpati bhindi banane ka asan tarika.
Aaj ham aapke sath share karna chahte hai, masaledar bhindi ki sabji taki jise bhindi nahi pasand woh bhi ise khub chahkar khaye. normal bhindi ki bajaye hamne is sabji ko thoda twist dekar banaya hai. jisse bhindi bilkul bhi chipchipi nahi banegi, aur iska taste bhi badh jayega. to chaliye ham apni aaj ki recipe sharu karte hai.
Tasty sabji banane ke liye hame chahiye bhindi. to yaha par hamne 500 gram bhindi le li hai. aur ab hame is bhindi ko achche se dhokar sukha lena hai. uske bad hame ise aage aur piche se thoda thoda kaat lena hai. normaly jab ham bhindi ki sabji banate hai to ham bhindi ko gol gol chote pices me kaat lete hai. lekin hamne yaha par ham bhindi ko lambai me cut karenge. to hame sabhi bhindi ko 2 hisso me devide kar deni hai. ab hamne hamari sabhi bhindi ko bich me se kaat liya hai. ab hame bhindi ko ek bade bartan me transfer kar lete hai. to hamne yaha par bhindi ko ek plate ke andar faila liya hai.
Ab ham is bhindi ke upar kuch masale dalenge. masalo me ham lenge 1 chammach dhaniya powder, aadha chammach jeera powder, sath hi add karenge lal mirch powder. isme ham 1/4 haldi powder bhi add karenge. sath hi bhindi chatpati bane isiliye hamne 1/2 chammach chat masala bhi add kiya hai. aap chahe to ise skip bhi kar sakte ho. ab ham taste ke according namak add kar lenge. ab hamari bhindi khili - khili bane bilkul bhi chip chipi na bane isiliye ham isme 2 chammach besan add kar denge. to ab ham isko achche se mix kar lenge. ab ham isko 2 minute ke liye side me rakh denge.
Tab tak ham sabji me dali jane wali kuch chije aur cut kar lete hai. to hamne yaha par bhindi ki sabji me dalne ke liye pyaj liye hai. to hamne yaha par 3 medium size ke pyaj liye hai. to pyaj ko ham lamba kaat lenge. bhindi ki sabji me pyaj ka taste bahut hi achcha lagta hai. to aap ise jarur se try kare. ab hamne iske sath hi 2 hari mirch barik kaat li hai. sath hi 5 se 6 lahsun ki kaliyo ko bhi hamne barik kaat liya hai. to ab ham kadhai le li hai. aur kadhai me 2 chammach oil garam kar liya hai. ab ham is garam oil me bhindi ko dal denge. to ab ye jo bhindi hai ham use badhiya se fry kar lenge. high flam par ham bhindi ko lagatar chalate rahenge. hamari bhindi bahot hi khili khili lagne wali hai. aur ye pakate - pakate bahot hi jyada soft bhi hone wali hai. isme dala gaya besan or masale bhi kafi achche se pak bhi gaye hai. ab ham fry ki huyi bhindi dusri kadhai me transfer kar denge.
Ab wahi kadhai me ham 2 chammach oil dal denge. ab ham isme add karenge 1/2 chammach jeera or 2 chutki hing. aap isme ajvain bhi add kar sakte hai. ab ham isme lehsun kaat kar rakha hai wo add karenge. or ise 15 se 20 second ke liye fry kar lenge. jab lahsun ka colour halka sa change ho jaye tab ham isme hamari kati huyi pyaj dal denge. or sath hi ham isme hari mirch jo hamne kat kar rakhi hai wo bhi add kar dnge. isko achche se mix kar lenge. or pakne dete hai. ab ham isme thode se masale add karenge thoda sa dhaniya powder, lal mirch powder or haldi powder bhi add kar denge. ab ham iske andar fry ki huyi bhindi bhi add karenge or ise achche se mix kar lenge. or achche se pakne denge. 2 se 3 minute pakne dena hai. isme ham thoda sa or chat masala bhi add kar lenge. isse sabji ka taste bahot hi badhiya aayega. sath hi aadha chammach garam masala bhi add karenge. hamne ise firse mix karna hai. or hamari khili khili bhindi bilkul taiyar hai. to agar aap is tarah se bhindi ki recipe banayenge to ye bahot hi tasty banaker taiyar ho jayegi. or ye recipe apne ghar par jarur try kare.
To agar aapko hamari aaj ki recipe pasand aayi ho to comment me jarur bataye. aur aisi hi recipes ke liye hamare blog me visit kare. yaha aapko aisi hi tasty recipes dekhne ko milegi. to aap apne ghar par ye recipe jarur se try kare. bahot hi tasty banegi.
.png)