Rajasthani Dhaba Style Sev Tomato Curry | राजस्थानी ढाबा स्टाइल सेव टमाटर की सब्जी।

Rajasthani Dhaba Style Sev Tomato Curry.

Hello dosto, aapka swagat hai hamare blog me. ham aapko abhi tak kai delicious or tasty recipes de chuke hai. to aap aisi hi maaledar recipes dekhna chahte hai to hamare blog par visit kijiye. aur roj dekhte aur sikhte rahe nayi- nayi recipes. to dosto agar aapko hamari recipes achchi lage to comment me jarur batayiyega. taaki hame pata chale ki aap kis tarah ki recipies pasand karte ho. taki ham aapko roj achchi- achchi recipes share karenge. to aaj ham aapko kuch aisi recipe batayenge. jise aap apne ghar pe jarur try karna chahenge. to chaliye ham aapko aaj ki recipes ki kuch khas bate batayenge. to dosto aaj ham aapko jo recipe batane wale hai, agar aap usko dhyan me rakhkar try karenge to aapka khana bahot hi best banne vala hai. to ham aaj aapko Rajasthani dhaba style sev tamatar ki sabji  ki recipe batane wale hai. jo kafi tasty or masaledar banne wali hai. 

Aapne kai tarah ki sev tamatar ki sabji apne ghar par banayi hogi. to aapko ham sev tamatar ki sabji ki ek aur nayi recipe batane wale hai. to ye racipe kuch auisi hai ki ye aap apne ghar par hi bahot hi asani se bana sakte hai. sev tamatar ki sabji jab ham rajasthani dhaba style ki hi banane wale hai. bilkul rajsthani dhaba style hi banne wali hai. hamari aaj ki sev tamatar ki sabji bahot hi special or tasty banne wali hai. to chaliye ab ham Rajasthani dhaba style sev tamatar ki sabji banana sharu karte hai.

Kaise banti hai itni tasty Rajasthani dhaba style sev tamatar ki sabji ?

Rajasthani dhaba style sev tamatar ki sabji aap kabhi bhi bana sakte hai. jab aapke ghar me koi bhi hari sabji na ho to aap ise jatpat se banakar taiyar kar sakte ho. ye banane me bhi bahut hi easy hai. aur khane me bhi bahut tasty lagti hai. to chaliya ham sev tamatar ki sabji banana sharu karte hai. 

To sabse pehle hamne yaha par ek pan le li hai. pan me ab ham 2 table spoon ghee add karenge. aap ghee ya tel dono le sakte ho. mideum flam par ham ghee ko garam hone denge. ghee garam ho jane ke bad ham isme 1 chota chammach jeera, aur adha chota chammach rai delenge. aur inhe achche se chatkane denge. ab ham isme 1/4 chammach hing add karenge. in sabko hame kuch seconds ke liye bhun lena hai. isse hamari sev tamatar ki sabji me taste bahot hi achcha aayega. 

Ab ham isme 1 hari mirch ko barik kaat kar dalenge. or yaha hamne adarak or lehsun ko crush kar ke liya hai. ham ise bhi is mix me add kar denge. 2 se 3 kali lehsun or aadha inch adark ke tukde ko liya hai. isko ham kuch seconds ke liye bhun lenge. isme ham ek medium pyaj ko barik kat kar dal denge. sath hi hamne sukhi lal mirch ko bhi tod kar dal dena hai. or ab ham pyaj ko tab tak bhunenge. jab tak ye soft nahi ho jati, or iska colour halka sa golden nahi ho jata. to hamare pyaj bhun rahe hai tab tak ham masala taiyar karenge. 

To hamne yaha par ek bowl liya hai. bowl me hame 1/2 chota chammach haldi powder liya hai. 1 chota chammach dhaniya powder, 1.5 chota chammach hamne yaha par kashmiri lal mirch liya hai. isse gravy me bahot hi achcha colour aata hai. sath hi hamne yaha par aadha chota chammach jeera powder liya hai. ab ham sare masalo ko achche se mix karenge. or 3 se 4 table spoon pani dalkar ham iska paste taiyar kar lenge. to masalo ka paste bankar taiyar ho gaya hai.

Hamare pyaj bhi idhar achchi tarah se bhun gaye hai. pyaj soft bhi ho gay hai. or iska colour bhi halka sa change ho gaya hai. ab ham isme hamare masalo wala paste add kar denge. sath hi ham isme 1/4 cup pani bhi add kar denge. to ab ham masalo ko tab tak bhunenge jab tak inmese ghee ya tel alag nahi ho jata. masalo ko jitna achche se bhunenge, sabji utni hi achchi banegi. to jab hamare masale bhun chuke hai. charo taraf se ghee seprate hone laga hai. to ab ham isme tamater dal denge. hamne 2 medium size ke tamatar ko isme add kiya hai. to ab ham isme taste ke according namak add kar deng. ham yaha par gravy ke hisab se hi namak addkarenge. kyuki sev me namak hota hai. to ham isme jyada namak nahi add karenge. ab ham tamatar ko achche se mix kar denge. to ab ham tamatar ko lagbhag 3 se 4 minute ke liye law flam par paka lenge. to ab ham pan ko dhak denge. or tamatar ko pakne denge. iske baad hamare tamatar bahot hi soft ho gaye hai.

Ab ham isme aadha cup pisa hua tamatar dalenge. aap tamatar ko kaddu kas kar ke bhi dal sakte hai. to ab ham isme 2 table spoon dhi bhi add karenge. iske baad ham ise achche se mix kar denge. to ab ham isme bhuni huyi kasoori methi dalenge. or aadha chota chammach garam masalaadd karenge. ek chammach chini dal denge. aap chini ki jagah gud bhi dal sakte hai. in tino chijo ko ham gravy me mix kar denge. ab ham isme pani dalenge. or hame jyada pani hi dalna hai. pani ko mix kar dijiye. ab ham isme ab ham isme sev add kar denge. barik kata hua hara dhaniya bhi add karenge. ab ham gas ko off kar denge. to ab hamari Rajasthani dhaba style sev tamatar ki sabji bilkul taiyar ho chuki hai. jaise jaise hamari sabjithandi hoti jayegi ye gadhi ho jaye gi. to aaj ki recipe hamari bahot hi asan tarike se banakar bilkul taiyar hai. sev tamatar ki sabji bahot hi tasty bani hai.

To aapko hamari aaj ki recipe pasand aayi ho to hame coment me jarur bataye. aur aisi hi recipes ke liye hamare blig par visit kare.